KOMUNIKADO DI PRENSA – yanüari 2024

 

Direktiva di Fundashon Alzheimer Bonaire ta organisá tradishonalmente na komienso di aña su “Masha danki Party” pa honra su boluntarionan.

Esaki tabata e kaso atrobe 12 di yanüari i e biaha akí na Jardin de Amor . E aña akí atrobe a organisá e evento akí pa e boluntarionan ku tabata mas inbolbí durante aña 2023 pa asina duna nan mas atenshon pa nan kontibushon i sosten durante e aña ku a pasa.

Tres boluntario ku a sobresalí den aña 2023, a risibí durante e reunion ameno akí, e feneta di FAB “ Amigu di FAB” ku a introdusí aña pasá , nan sertifikado i e regalo korespondiente, opsekiá pa presidente Sr. Evert L. Piar.

E tresnan ku a sobresalí ta Señora Anicella Thode, Señora Jacqueline ( Jacky) Janga i Señora Jacqueline Diaz. Direktiva ker a gradisí tambe e boluntarionan ku no por tabata presente pa nan kolaborashon i sosten den 2023 i ta spera di por konta ku nan den 2024 tambe.

Riba e potrѐt boluntario i miembronan di direktiva di Fundashon Alzheimer Bonaire, i tambe e tres sobresalientenan .

 

Related Posts