Direktiva di Fundashon Alzheimer Bonaire a kontinuá su programa anual, djabiѐrnѐ anochi pa 19:00 or ku un anochi di informashon i e biaha akí pa promé biaha na Fundashon Antriol Avanti, den Sala Yùf Yѐt Provence na Parke Chiku Goeloe, ku oradó invitá for di Curaçao, neurosikólogo, terapista di komportashon kognitivo i EMDR terapista, Drs. Martha Atienzo.

Tema di anochi tabata “. Redusí rísiko awó. Ruta diagnóstiko i posibilidatnan pa tratamentu pa demensia”.

Direktiva e aña akí ta konsentrá su aktividatnan riba e 12 faktornan di rísiko i kon pa remediá demensia, saliendo for di e tema konsientisashon di eksistensia di demensia. Mirando ku remediashon di rísiko pa haña demensia a resultá di ta e úniko medio probá, direktiva su kampañanan di konsientisashon ta dirigí riba esaki.

E anochi tabata un anochi bunita atrobe ku presensia di kuidadónan kaloroso, interesadonan, entre nan algun kolaboradó di kuido. A hasi hopi bon pregunta ku interakshon perfekto, kaminda ku e tópiko diágnosis temporal i posibilidatnan di tratamentu a haña e atenshon nesesario.

Presentenan, oradó i direktiva ta wak bѐk riba un anochi informativo eksitoso i bon bishitá.

Aneksá un potrѐt di e anochi.

 

Persbericht-nunka-trempan-kunka-lat

Djabierne anochi 23 di febrüari pa 19.00 or, direktiva di Fundashon Alzheimer Bonaire, komo parti di su programa anual, a organisá un anochi di informashon na Sentro di Bario Amboina, ku komo oradó e sikólogo di grandi Drs. Marije Veenstra .

Mirando ku pa e islanan i pa Boneiru un sikólogo di grandi ta algu nobo den sektor di kuido i pa Boneiru  un primisia, direktiva a opta pa duna miembronan di famia, kuidadónan kaloroso kolaboradónan den kuido e oportunidat pa sera konosí ku Sra. Veenstra i tambe pa konesé kontenido di su funshon, pero tambe kon e komo sikólogo di grandi por ta na servisio ora ta sigui mehorá kalidat di kuido na nos dushi Boneiru.

Tabata un bunita anochi ku un sala yen di interesado, entre nan tambe kolaboradó den kuido. A hasi hopi bon pregunta ku un interakshon perfekto kaminda e tópiko demensia a haña e atenshon nesesario.

Presentenan, oradó i direktiva ta wak bѐk riba un anochi di informashon bon bishitá i eksitoso.

Anekso un potrѐt di e anochi.